早排就係圓明園被英法聯軍洗劫嘅160年，咁內地社會上就引起一場熱烈討論，就係到底圓明園應唔應該進行重建，呢個討論近排就直頭有全國人大代表提出，而國家文物局同埋北京市政府亦都作出咗回應喎！

圓明園係圓明、長春、萬春三園總稱，始建於1709年，歷時成百年喺1809年建成，分別就喺1860年同埋1900年先後被英法聯軍、八國聯軍所毀。

要知道原本嘅圓明園係有無數珍寶，近年經各方人士努力，亦都成功拎返唔少原屬圓明園嘅寶物，只係由於圓明園並冇建立自己嘅博物館，所以呢啲珍寶亦都冇辦法回歸圓明園，所以有一派人士係主張重建。而國家文物局就表示，現時重建圓明園缺乏必要嘅考古同圭歷史文獻，而且如果改變圓明園遺址被列強破壞嘅歷史現狀，就無辦法以斷壁殘垣告誡後人勿忘國恥、警鐘長鳴。

文物局亦都要表示，圓明園遺址唔單止係清代皇家園林重要代表，亦都係近代中國被侵略嘅歷史見證，所以做好圓明園國家考古遺址公園建設，先可以進一步發揮教育、宣傳同埋展示功能。就咁睇嚟，圓明園重建嘅計劃唔太可能成真喇！

原圖嚟自網絡