埃及金字塔固然係世界奇蹟，每年都引嚟唔少旅客慕名去參觀，而木乃伊亦都唔簡單，當中係包含咗古埃及人嘅生死觀。由於佢哋認為人死後係可以復活，於是保存完整嘅屍體就成為其中一個必要嘅條件，喺公元前3700年就開始對屍體進行人工防腐，即係將屍體挖去內臟，喺腹腔填以乳香、桂皮等香料，呢種就係古代嘅木乃伊。而今次埃及亦都有最大嘅一次考古發現，出土咗百具彩繪木棺。

埃及吉薩省塞加拉地區，今個年度就搵到100具距今約2500年彩繪木棺，當中大部分木棺保存良好，同時出土仲有面具、雕像等40件文物。有考古專家就現場打開一具木棺進行研究，發現入面真係有木乃伊，而且狀況仲相當完整，由成個木棺裝飾、材料同埋木乃伊製作手法來睇嚟，呢批木棺部份係高級官員或貴族階層。呢次嘅發現有利進一步了解古時埃及嘅喪葬傳統，亦都可以逐步了解到木乃伊嘅製作手法同背後嘅信仰。

原圖嚟自網絡