美心出現因種族歧視？

美心集團創辦人之一伍沾德上月底响養和醫院與世長辭，享壽一百零一歲。伍沾德同佢哥哥伍舜德創立美心集團，幾代香港人都可以話係食美心長大，直到今時今日都係。咁史友們又知唔知，佢兩兄弟創立美心，係同一段被歧視經歷有關呢？

根據《與CEO對話：領袖的奧秘》一書，就提及過伍沾德同佢哥哥伍舜德以前不時光顧一間叫「新巴黎」嘅法國菜餐廳。不過，呢間餐廳個老闆就次次都安排佢哋坐响牆角靠近洗手間位置。次次都係咁佢哋自然不滿啦！原來個老闆認為華人消費力唔及外國人，所以就拒絕佢哋換位嘅要求。被人咁樣歧視，佢兩兄弟就決心創辦一間由中國人經營嘅高級西餐廳。最終响1956年，佢就响中環連卡佛大廈開咗美心餐廳，取名美心意思係以「一顆美麗的心」服務顧客。

不時聽到以往外國人點解歧視本地華人，估唔到美心嘅出現係活生生嘅例子。