最近,內地一套由電視劇熱播,套劇叫做《燕雲台》。呢套由唐嫣、竇驍主演嘅電視劇,對香港觀眾而言焦點可能係放响飾演主角大家姐嘅佘詩曼身上。咁大家對呢套劇個歷史背景有幾多認識呢?

响歷史上,由唐嫣飾演嘅蕭燕燕係北宋時期遼國嘅蕭太后,佢亦係當時一位傑出嘅政治家。蕭燕燕係遼國重臣蕭思温之女,佢先成為咗遼景宗嘅貴妃,後嚟仲成為埋皇后,主理埋國事。

咁呢位蕭太后同北宋又有乜關係呢?公元986年,年幼嘅遼聖宗登位,當時宋太宗趙匡義就想乘機收服燕雲十六州,興兵北伐,蕭太后就親征擊退宋朝軍隊。到咗公元1004年,呢位蕭太后同佢個仔遼聖宗親率大軍南下攻宋。宋真宗就响本來南逃,不過宰相寇準主張抵抗,最終成功阻止咗南侵嘅遼軍,澶州城下射殺遼將蕭撻凜。最後遼宋兩國就同意講和,訂立和約:兩國結為兄弟之國,宋每年給遼三十萬金帛,宋遼以白溝河為邊界,史稱「澶淵之盟」。之後,宋遼之間百餘年間都再無大規模戰事。不過,宋朝同其他國家通過盟約嚟換取和平嘅歷史就係咁樣開始,「宋之積弱」嘅講法呢個都係重要因素。

所以話,史友們响教科書未必了解到蕭太后同呢段歷史嘅關係,但睇套劇就可能了解多啲個段時間嘅歷史背景。當然!好多內容都係作出嚟誇張咗。

原圖:網絡