尋日正係中日甲午戰爭期間日軍展開旅順大屠殺嘅126年，喺呢場大屠殺入面有接近20,000無辜中國平民死傷，由於場面太過殘酷，亦都引嚟唔少外國媒體廣泛報導。

旅順位處中國遼東半島最南端，同威海衛共扼渤海門戶，呢個地方係當時北洋水師嘅重地「東亞第一堡壘」。喺1894年11月，甲午戰爭期間，日軍就喺獨眼將軍第2軍第1師團山地元治指揮之下，聯同另外幾個步兵聯隊，對旅順呢個地方展開持續四日嘅掃蕩。日軍喺市內展開瘋狂嘅報復行動，對逃亡嘅清兵同埋平民百姓都開槍殺害，甚至後來仲下令「凡穿著平民服裝，疑為清兵的青壯年者一律誅殺。」呢條命令一出，旅順大街小巷都係殺人嘅現場，無論係唔係清兵，老幼婦女都成為佢哋殺害嘅對象。

據當年喺現場觀察嘅美軍奧布萊恩中尉、英國《泰晤士報》、《紐約世界報》嘅描述，引嚟世界對呢場屠殺廣泛關注，其至仲有美國報紙描述「日本為蒙著文明皮膚，具野蠻筋骨之怪獸。」

原圖嚟自網絡