提起世界上最出名嘅一部兵書,自然就會諗到孫子兵法,又或者叫做《武經》、《兵經》。佢出名嘅原因並唔單單係因為佢係現存世上最早嘅一部兵書,更加重要嘅係佢書入面所教導嘅兵法甚至影響埋現世嘅軍事發現。

雖然歷代以嚟對呢本兵書嘅作者都有啲爭議,但大多數學者都認同孫子兵法嘅作者正係春秋末期齊國人孫武(字長卿)。據學者估計,呢本書成書嘅時期大概就係前515至前512年,喺專諸刺吳王僚之後至闔閭三年孫武見吳王之間。呢本兵法當時一共有十三篇,係孫武送畀吳王嘅見面禮。呢一幕去到史友入面都有記載,當時「孫子武者,齊人也,以兵法見吳王闔閭。闔閭曰:子之十三篇吾盡觀之矣」,可見當時吳王闔閭係認為呢部兵書極具價格,而據講後來吳國打敗楚國,都係憑住孫武同埋《孫子兵法》。

咁點解呢部咁出名嘅兵法後來會有作者嘅爭議呢?原來後來仲有一本叫做《孫臏兵法》嘅出現,令到大家分唔清孫子同埋孫臏,去到東漢末年《孫臏兵法》失傳,一度令到呢件事成為歷史懸案。

原圖嚟自網絡