喺尋日行政長官公佈任內嘅第四份施政報告入面，就提出咗一個計劃，名為「躍動港島南」，大概方向就係想將南區打造成一個充滿滿力，既可以工作又可以居住同埋消閒嘅地方，而其中最引人注目嘅一點就係同珍寶海鮮舫、海洋公園有關。真係諗都冇諗過呢件事會發生，施政報告入面就提到，由於海鮮舫業主最近已同意無償將海鮮舫捐贈畀海洋公園，所以呢次計劃政府就會推動海洋公園以非牟利方式令海鮮舫喺香港仔避風塘重生。

相信史友們都知道呢兩個地方都係歷史相當悠久，亦都盛載住大家嘅回憶。海洋公園早喺1977年1月10日開幕，原身係巴黎農場，後來經過浮浮沉沉、慢慢發展到有齊內外園區一水上樂園、百鳥居、紅鸛池、亞洲動物天地、冰極天地等設施，有過新一番氣象。

至於珍寶海鮮舫阿史都曾經介紹過好多次，其實就係珍寶王國嘅其中一間水上餐廳，珍寶王國近年有齊兩艘著名海上畫舫珍寶海鮮舫（Jumbo Floating Restaurant）及太白海鮮舫，因應當時香港仔避風塘「歌堂躉」熱潮建成，後來係受到經營南北行商賈歡迎，60年代末珍寶海鮮舫就展開造船工程，但一場大火就令到原來船主王老吉轉售畀何鴻燊和鄭裕彤發展。好景不常，曾經世界知名嘅海鮮舫今年3月就宣佈暫停營業，而今次直頭無償捐贈海鮮舫予海洋公園，之後到底會點樣發展，真係只可以拭目以待。

原圖嚟自網絡