相信史友們搭船去大嶼山或長洲嘅時候,都會見到一個叫喜靈洲嘅離島,呢個島可能史友們都聽過個名,但大家又知唔知呢個島個名背後係有特別意思呢?

喜靈洲係位處梅窩同坪洲之間,原本個名叫尼姑洲,原本有三個唔同族群响島上生活,分別係林氏、曾氏同吳氏,三族人都係响19世紀末搬去島上生活。响1951年,呢個島就興建咗痲瘋病院,收容同隔離痲瘋病人,原本島上嘅居民因而遷離,呢個島亦改名為喜靈洲,意思即係「喜悅靈魂」。到咗七十年代,痲瘋病院關閉後,懲教署就响島上開設懲教所同戒毒所,响八十年代更一度接收越南船民。時至今日,呢個島嘅懲教設施仍然運作,不過依舊係禁區,史友們想上島參觀都唔係咁易。

原圖:網絡