嘩，英國劍橋大學圖書館呢次真係擺咗個大烏龍，話說今個星期二館方就公佈咗一則消息，就表示兩本本身已經失蹤咗接近20年嘅達爾文筆記本相信已經被盜。

呢件事講起嚟就有啲撲朔迷離，事源就係喺2000年11月果陣，圖書館就因為要記錄筆記本入面嘅圖像，所以就喺儲藏室入面拎出兩本達爾文筆記本，當中仲要係繪有生命之樹嘅圖案。但當館方紀錄完之後，去到第二年嘅1年就發現原來呢兩本筆記本唔見咗，當時就相信係冇放返原處，而去到2017年管理圖書館服務嘅人員甚至仲表示當時負責人只係誤放咗去第二度。

而去到近日，經過幾年嘅廣泛搜索都見唔到，館方就真係確信兩本筆記本被盜，而且仲好有可能已經流入黑市，市值幾百萬英鎊，相信都唔係咁易搵得返！

原圖嚟自網絡