响新一份施政報告裡面，就講將重建石峽尾大坑西邨。據了解平民屋宇有限公司已同市區重建局達成合作推展大坑西邨重建計劃嘅意向。呢條有五六十年嘅大型屋邨呢次真係要重建喇！

講到大坑西邨，相信唔少人都覺得條邨咁舊，又講咗咁多年要重建，但係都唔成事，點解呢？咁就係因為佢本身嘅特殊「身份」。呢條邨出現，係因為1953年石硤尾寮屋區大火之後，為咗安置災民，於是政府就以特惠地價批出土地俾一間叫香港平民屋宇有限公司興建大坑西邨，以安置災民。呢間公司嘅董事就係一批社會賢達。不過，呢間公司起嘅樓就係以廉租屋方式租俾居民，同公共屋邨分別唔大，但又係私人公司發展，所以就成為咗香港唯一一個由私人公司管理嘅出租屋邨。亦因為業權同管理權都唔想，所以呢條邨嘅重建問題遠比普通屋邨複雜，搞咗好多年都傾唔成。

原圖：網絡