早幾日行政長官就公佈咗任內第四份施政報告，當中嘅一大亮點就係「明日大嶼」嘅計劃，預計經過呢次大型填海計劃就會為香港解決中、長期嘅土地供應問題。至於點樣實行呢個計劃，坊間有人提出「第一城模式」填海，咁到底呢個模式係點樣，阿史今次就同大家介紹下啦！

所謂嘅「第一城模式」，其實就真係講緊政府喺早年發展沙田第一城果陣，曾經就住發展權招標，最後係唔需要用到一分一毫就可以成功填到海，仲有錢落袋。沙田第一城嘅原址本身係圓洲角一帶嘅沙田海，喺1979年政府為咗發展沙田新市鎮，就計劃喺呢個地方進行接近600幾萬平方呎嘅填海工程，最後呢個工程由恆基兆業牽頭，新世界發展、新鴻基地產及長江實業等四間華資地產商組成聯營公司「百得置業」以2,000萬港元投得工程。

工程完成之後，發展商就只係需要交還七成土地畀政府發展公屋及社區設施，其餘嘅土地就分階段發展成私人住宅項目，呢個就係所謂嘅第一城模式喇！

原圖嚟自網絡