大嶼山石壁水塘啟用

近年嚟石壁郊遊徑一帶就成為熱門嘅行山點，沿途又可以經過鳳凰徑同埋飽覽成個石壁水塘。早兩日石壁水塘啟用嘅57年，史友們又知唔知道呢個水塘嘅威水史呢？

呢個位於南大嶼郊野公園入面嘅水塘，係全港儲水量第三大嘅水塘。石壁水塘嘅原身就係石壁鄉，原址曾經有四條村莊，分別係石壁大村、墳背村、崗貝村同埋坑仔村。之不過，去到1950年代，由於香港食水短缺，時不時都需要制水，於是港府為咗解決呢個問題，就決定喺石壁鄉興建水塘。

水塘嘅建設工程喺1957年展開，歷時6年建成，喺建成之時仲係香港最大嘅一個水塘。當時港府直頭仲搭咗一條水管由水塘開始，一路連到去港島摩星嶺沙灣。