九龍車站啟用

阿史成長嘅年代，香港就淨係得地鐵同九廣鐵路（通常叫火車），而九廣鐵路最北站就係羅湖，最南站曾經係九龍站。不過呢個九龍站就唔係東涌線嘅站，而係依家嘅紅磡站。

紅磡站原名係叫九龍站，呢個火車站係响1975年11月30日，即45年前今日正式啟用，亦係當時九廣鐵路最南嘅終點站。以往九廣鐵路終點站就係尖沙咀火車站，响七十年代政府就決定將車站搬到紅磡灣新填海區，而呢個响填海區新建成嘅車站就係九龍車站喇！

其實，舊嘅尖沙咀火車站個名都係叫九龍站，而新車站就沿用返呢個舊名。到咗九十年代，九廣鐵路改名為九廣東鐵時，九龍站亦改名做紅磡站，而東涌線原本叫西九龍嘅車站就以九龍站嚟命名。