呢幾日都同史友們講到曾昭科案,除咗呢單案件,喺早年香港唔少影視作品入面,都有一個警隊嘅特別部門出現,而阿史想講嘅正正就係政治部喇!

政治部,英文全稱叫做Special Branch,由於縮寫係SB,所以又被坊間叫做「邵氏」。呢個充滿神秘色彩嘅部門係喺1934年成立,喺成立初時就已經有200幾人,架構上嚟講其實係隸屬於皇家香港警務處刑事部,只係實際上就係由英國軍情五處指揮,所以唔少電影情節都會有咁樣嘅一幕,就係直接由政治部到場接管案件。

咁到底政治部又係做咩呢?當年政治部主要負責嘅工作就係反間諜同埋收集情報等特別就係收集中國嘅情報,入面有齊情報部、保安部,兩個部門更加下設行政、行動、情報及支援等嘅分部,架構相當完整。去到上世紀80年代,亦即係呢個部門全盛時期,成個部門總人數超過3,000人,當中仲有英國特工加入,西環域多利道扣押中心曾經係政治部拘留所。

隨住中國即將對香港恢復行使主權,政治部就喺1995年解散。

原圖嚟自網絡