喺130年前嘅今日,對香港嚟講係一個好特別嘅日子,事關呢一日港燈就開始為港島部分地區提供電力,亦都意味住港島嘅街道自此以後唔再黑暗。

喺介紹供電呢件事之後,阿史就想同史友們講一講香港電燈先。呢間公司係世界上歷史最悠久嘅電力公司之一,而當年成立嘅原因其實係同水有關。由於1888年果陣港府為咗令到山頂嘅居民有食水,於是就同港燈簽咗第一份合約,由港燈負責供電畀抽水揼抽水上太平山頂,呢件就成為咗港燈首份電力供應合約。

港燈第一間嘅電廠係1889年落成嘅灣仔發電廠,位於灣仔星街同埋電氣街交界,初期發電量100千瓦。喺1890年嘅今日下午6點開始,呢個發電廠就實行咗一件好重要嘅事,就係為港島部份地區提供電力,當中就包括位於中環德輔道中嘅首批電街燈。

原圖嚟自網絡