哲古華拉去過朝鮮半島？

哲古華拉可以話係社會主義革命嘅象徵人物，最近阿史見到張相，原來佢响生前去訪問過北韓。

哲古華拉係响1960年12月訪朝，當時嘅佢係擔任古巴工商部長。個陣古巴共產革命成功，佢成為咗古巴公民，所以佢就任職於古巴新政府當中。而佢就响1960年訪問亞洲社會主義國家，佢响11月訪問中國，12月就訪問北韓。到咗北韓首都平壤，佢受到金日成熱烈歡迎，哲古華拉仲贊金日成政權係古巴嘅榜樣。

有趣嘅係，呢位打慣游擊戰嘅戰士，响歡迎宴會上同朝鮮美女跳舞，呢張相展現咗哲古華拉同往後宣傳唔同嘅一面。