呢排網絡上就流傳住一張舊相，就係呢幅許冠傑喺1984年為《最佳拍檔之女皇密令》出席記者會果陣而影嘅一張宣傳相，喺呢張相入面，許冠傑就喺旺角站入面擺晒Pose咁，都真係幾型。而有眼利嘅網友就發現咗一點，就係原來當年旺角站嘅英文名原來唔係叫Mong Kok！

咁阿史都唔賣關子喇，原來1979年12月31日啟用嘅旺角站，當時嘅英文名唔係叫做Mong Kok，而係叫做Argyle。Argyle呢個名正正就係人所共知嘅亞皆老街嘅街名，又有另一個寫法叫做Argyll，呢個咁特別嘅細節咁畀網友發現到，仲引起唔少討論。而去到1985年5月31日，因為要配合其他車站嘅通車，旺角站就改名，今次就用返旺角英文拼音「Mong Kok」，成為大家今日熟悉對旺角嘅稱呼。

原圖嚟自網絡