早幾日就同史友們介紹到兩鐵合併嘅歷史，關於兩鐵嘅歷史當然仲有唔少故事可以同大家介紹，例如就「修正早期系統」。

修正早期系統（Modified Initial System）聽落好似有啲奇怪，但其實係荃灣綫通車前，現有嘅觀塘綫及荃灣綫路段嘅名，而現時成條「修正早期系統」就被分成觀塘綫油麻地至觀塘以及荃灣綫旺角至中環段。

修正早期系統係喺1975年11月獲准興建，成個工程歷時4年分成觀塘綫（石硤尾至觀塘）及荃灣綫（旺角至中環）兩段，並且喺1979年9月30日就完成北段嘅工程。當年由香港總督麥理浩主持通車典禮儀式，車站入面有舞龍舞獅表演，據講當時仲有專門車票係畀市民乘搭首班列車，足足要500蚊有呢個機會。

至於南段就係喺1980年2月12啟用，地鐵服務穿越維多利亞港海底駛到香港島中環商業中心區，整段修正早期系統仲比原定通車日期提前7星期。去到1982年4月26日，修正早期系統分拆為兩種行車模式，亦即係大家熟悉嘅觀塘綫及荃灣綫路段。

原圖嚟自網絡