溥儀重返故宮考起工作人員？

末代皇帝溥儀可以話係中國歷史上嘅傳奇人物，佢嘅故事好多都好富傳奇色彩，但當中有幾多係真有幾多係假就無人知喇！最近阿史响網上見到篇文章，好似佢一個故事又被人提及熱議，係一個佢遊故宮嘅故事。

據講，溥儀响二戰後被關押多年，1959年獲得特赦，返咗去北京生活，而身份就一個平民老百姓。重返北京之後，响1963年佢就去咗對公眾開放嘅故宮遊覽。重遊本來屬於佢嘅故宮，都要買飛先可以入場。當佢去到光緒皇帝嘅寢宮，就發現掛响個度嘅畫像並唔係光緒，而係佢爸爸醇親王載灃。於是佢就响工作人員反映，點知工作人員就話專家提供嘅圖，唔會有錯。呢個答案令溥儀好嬲，仲話唔通自己會唔認得佢阿爸咩！結果，真係專家搞錯咗，畫像掛錯咗。

仲有就係，據講佢响故宮見到一個花瓶，想摸個陣就俾工作人員阻止咗，溥儀就話佢細個個陣用過呢個花瓶當做夜壺，結果就依家俾人當寶咁擺响度。