吳三桂與陳園園 道盡「太空人」辛酸

之前提及過八九十年代出現嘅「太空人」，阿史就想介紹一套港產片。雖然呢套係喜劇，但背景同內容就令好多移民港人產生共鳴，呢套就係《吳三桂與陳園園》。

呢套戲係食正八九十年代移民潮所拍，主角陳太源（鄭丹端飾）移民加拿大，同先响加拿大生活嘅太太會合，點知去到先知太太响當地同個外國人史必度有染，人財兩失嘅佢就只好投靠小學同學吳二牛，點知吳二牛早就因救火而殉職，佢只好投靠吳二牛個妹吳桂芳（鄭裕玲飾）。本來响香港係會計師嘅陳太源就响加拿大只能夠從頭捱過，當然最後就係同吳桂芳喺埋一齊，大團圓結局。

呢套戲有啲位都好反映移民港人嘅狀況，好似點樣融入當地華人圈子，仲有遇到困難唔可以返香港重新嚟過等，道盡當年「太空人」辛酸，所以呢套戲唔少移民港人歡迎。不過令人難忘可能係關係移民家庭同婚外情問題，好似中段鄭丹端就被都係「太空人」家庭嘅楊玉梅勾引，不過楊玉梅戲中嘅老公突然响香港返咗溫哥華先令鄭丹端做咗半日剪草工人，慘！