早排香港郵政就推出咗2021年6套特別郵票,啲主題都幾得意,就好似有用生肖做主題、龍獅文化同埋香港懷舊小食,當中都引起唔少嘅討論。今次阿史就想同大家講一講郵票,到底香港第一套自己嘅郵票又係點樣樣呢?

雖然香港係喺1841年開埠,喺好早期亦都有郵政服務嘅出現,之但係香港早期並冇一套屬於香港嘅郵票,而係採用英國嘅郵票進行日常嘅郵政服務。咁到底香港又係幾時開始先有第一套郵票呢?答案就係1862年嘅12月8日,當年就發行咗7種唔同面值嘅郵票設計上嚟講都係沿用住舊有英國郵票果種黑便士邊框設計。至於主題上嚟講,就係以當時英國君主維多利亞女皇嘅側面作為圖案;講到成張郵票唯一同香港有關嘅,大概就係喺郵票上方同右邊會有英文「HONG KONG」同埋中文「香港」,同樣下方同左邊都係會有中英文嘅面值,香港第一套郵票,就係呢個樣喇!

原圖嚟自網絡