【講開有段故】國軍有參與香港保衛戰

講到1941年嘅香港保衛戰,好多人都會提及頑強抵抗日軍嘅英國駐港守軍、加拿大兩個步兵營等,而阿史之前睇過一個展覽,先知原來有支國軍係參與過香港保衛戰。

呢支國軍部隊其實係日軍响1938年進攻廣州後退守至沙頭角一帶嘅部隊,為數1600人左右。當年呢支部隊退守至沙頭角之後,因救援不繼,陸續退入香港境內。去到香港之後,港英政府就勒令佢哋繳械,之後就被安排九龍馬頭涌難民營,及後再轉移至亞皆老街集中營。呢支國軍响香港保衛戰爆發後,就負責運送傷兵工作,仲協助英軍作戰。咁後嚟呢支軍隊點呢?據講孤軍最後衝出香港,經鯊魚涌至惠州,重返國軍陣營繼續參加抗戰。

原圖:網絡