中國、尼泊爾交界 有個「中尼友誼峰」？

話說尋日對中國同埋尼泊爾嚟講都係一個幾重要嘅日子，事關喺尋日，兩國就共同宣佈咗呢座位於中國同埋尼泊爾交界嘅珠穆朗瑪峰嘅新高度，足足達到8,848.68米！呢次測量係自中國2005年測量以嚟，再由尼泊爾喺2015年大地震之後首次啟動珠峰高程自主測量，並且今次係同中國進行合作，於是亦都有媒體形容呢次係共建「一帶一路」嘅成果。

而關於呢座世界上嘅高峰，由於係座落係兩個國家嘅交界，固然曾經都會有過一啲地域上嘅爭議，但喺1961年10年5日，中國同尼泊爾就簽訂咗一條《中華人民共和國和尼泊爾王國邊界條約》約定兩國邊界線走向，「珠穆朗瑪峰和洛子峰，到馬卡魯山」線北為中國領土，而呢條線以南就係尼泊爾領土，用咁樣嘅方式就界定咗珠穆朗瑪峰嘅領土問題。

而喺中國同埋尼泊爾建交50周年嘅時候，兩國嘅外長就達成共識，喺兩國登山協會經過商量之後，就由專業嘅登山運動員組成「中尼友好登山隊」，攀登呢座位處兩日邊界嘅海拔6592米嘅山峰，喺登頂成功之後就以「中尼友誼峰」命名，象徵兩國嘅友誼永固。