提起香港嘅石刻同埋刻石，相信史友們大約都會記得有九個，再計埋前年喺當區發現嘅黑角頭石刻，淨係計史前石刻香港就一共有成九個，真係不得了嘅發現。蒲台島石刻、長洲石刻嘅石刻都同大家介紹過，咁阿史今次就同大家介紹下大嶼山石壁石刻啦！

喺現存嘅九大石刻當中，大部分嘅位置都係相當接近海邊，咁樣亦都反映到早年漁民對自然嘅崇拜。而今次要介紹嘅石壁石刻其實同黃竹坑石刻都有啲相似，就係距離海邊都有一段距離，石壁石刻就離開咗海岸接近300米，不過呢個位置相信就係因為海岸地貌嘅變化而造成。

咁到底石壁石刻上面有咩睇呢？就咁睇圖史友們都認得出有正方同埋圓形嘅幾何紋組合成一齊，到底呢啲紋飾代表咩？考古學家仲未有結論，但就認為係同古代青銅器上嘅圖案極為相似，所以就認為係3,000年前青銅器時代嘅產物喇！

原圖嚟自網絡