呢兩日都同史友們講起南京大屠殺呢件反人類罪行,咁就有史友留言提到,指出歷史關於南京大屠殺嘅遇難者人數經過幾次更改,咁到底點解會出現呢啲情況呢?阿史今次就同大家講一講啦!

關於遇難人數嘅統計,主要係依靠紅卍字會、崇善堂等慈善團體掩埋果時進行紀錄、但當中亦都有唔少市民、安全區委員會自發,同時日軍亦都會掩埋以及毀屍滅跡,所以令到遇害人數一直冇辦法確認,一改再改就係因為咁樣嘅情況而出現。

近年嚟,各方都對南京大屠殺遇難人數重新討論,喺二戰結束之後,南京軍事法庭查證日軍在南京犯下嘅集體屠殺有28宗,單係南京8家慈善團體埋屍數目就已經證實有19萬人受害;而喺東京審判嘅判決書入面就記載,至少就有20萬平民及俘虜被殺害,但呢個數字原來係唔包括拋屍長江、挖坑掩埋同埋以其他方式殺害嘅人數;而據統計日軍曾經動用軍隊以及各區偽政府就曾經處理屍體達到15萬具。

原圖嚟自網絡