講到辛德貝格呢位「南京的丹麥英雄」,關於佢嘅故事除咗响江南水泥廠收容中國難民外,仲有就係佢响日軍攻陷南京後嘅暴行公諸於世。

响1938年3月,辛德貝格就被迫離開江南水泥廠,之後就離開中國返回歐洲。而佢响回家旅程經過咗瑞士日內瓦,佢就响第24屆國際勞工大會上,趁機放映他响南京拍低嘅紀錄片,將日軍响南京嘅暴行公諸於世。據了解,辛德貝格响大會播放嘅影片,就係南京安全區國際委員會委員、美國牧師約翰.馬吉拍攝記錄日軍暴行嘅影片。响1938年2月個陣,辛德貝格同國際紅十字會南京委員會主席約翰·馬吉牧師駕駛車輛考察棲霞山一帶,馬吉牧師以攝像機真實地記錄日本軍隊嘅暴行。不過,亦有學者認為辛德貝格响大會播放嘅並唔係影片,而係佢响南京期間拍低嘅日軍暴行照片。

但無論點,辛德貝格嘅義舉令人敬佩,連當時正响日內瓦與會嘅中國勞工代表團團長朱學範亦稱讚辛德貝格係「中國之友」。

原圖:網絡