話說近排內地傳媒就報導咗一則幾有趣嘅新聞,喺重慶市南岸區南坪正街嘅一個小區入面,原來深藏咗一尊巨型佛像幾十年都冇人知,直到近排先重新發現到。

咁呢件事到底係點呢?原來重慶呢個小區近排就進行環境整治,對一啲老舊居民區進行清理同維修,咁經過一輪清理之後,原來一棟住宅之下竟然係一尊高達三層嘅古佛像,唔少居民當堂嚇一跳。呢尊佛像依山崖鑿刻,整體呈坐姿,唔少紋刻都相當清晰,只係頭部同埋手腕位置有損壞缺失,所以又被當地居民叫做「無頭佛像」。

當地政府就搵嚟文物專家到場鑑定,再經過一輪查證,就發現原來無頭佛像喺第三次全國文物普查中被定為民國時期造像,而且從現存造像特徵顯示,應該就唔係佛教造像,真係無奇不有!

原圖嚟自網絡