香港文化博物館正式啟用

如果講到香港比較大型同埋有特色嘅博物館，沙田文化博物館應該都係數一數二嘅博物館，而呢所涵蓋歷史、藝術、文化範疇嘅博物館，正正就係喺2000年嘅今日開始啟用。

文化博物館座落喺沙田市中心，前身係沙田大涌橋臨時房屋區，博物館嘅工程喺1991年由市政局通過，並且喺清拆完成之後1995年正式動工。呢個項目早年係耗資超過8億港元興建，展場入面陳列面積達到7,500平方米，一共就有12個展覽場館，係香港最大型嘅博物館之一，難怪阿史次次入到去都行到腳軟。

呢個咁大型嘅博物館，唔講可能大家都感覺到係用四合院嘅布局，入面就有6個常設展覽好似金庸館、粵劇文物館、「武‧藝‧人生──李小龍」等等都係比較有特色嘅展覽，至於其他就係專題展覽，會不定期更新。香港文化博物館啟用至今就已經20年，據統計呢個博物館平均每年會有接近50萬人次入場參觀，真係受歡迎！