圓明園考古出土 澹泊寧靜遺址到底係點？

呢排有唔少新聞都係同圓明園有關，就好似十二生肖獸首銅像，又有一啲關於應唔應該原址重建嘅討論，而近日圓明園就有考古出土，今次就對澹泊寧靜遺址進行發掘。

呢次嘅考古工作係由圓明園管理處聯合北京市文物研究所、北京大學考古文博學院發起，並且取得咗重要成果。據史料記載，位於圓明園西北部嘅澹泊寧靜遺址係圓明園四十景之一，喺1727年建成，之所以叫做「澹泊寧靜」就係取自諸葛亮《誡子書》入面嘅「非淡泊無以明志，非寧靜無以致遠」。

咁到底呢個遺址原本有啲咩呢？據史書當中提到，呢個遺址主要嘅建築都係得名為「田字房」嘅大殿，當中仲有33間房屋，南北面仲係大片稻田，以往係帝王舉行典禮「藉禮」嘅地方，康熙、雍正、乾隆三代皇帝都有喺度精心種植，所以今次考古隊仲應用埋植物考古嘅方法，去研究呢個地方嘅京西稻。