唔知史友們記唔記得舊年阿史介紹過有「美人魚」之稱嘅游泳女將楊秀瓊,呢位民國時期嘅游泳健將唔單止運動勁,仲响國家危難之時挺身救國,咁佢做過啲乜呢?

可能史友們未必記得佢,咁就再好簡單介紹一下。楊秀瓊係香港長大嘅華人運動員,曾經响1933年第五屆全國運動會,囊括全部五項女子游泳冠軍,令佢贏得「美人魚」稱號。佢仲勁到响1936年代表中國參加柏林奧運。

而响香港淪陷期間,佢就為重慶的國民政府擔任特別情報員,响香港收集日軍以及汪偽政府人員嘅情報。楊秀瓊因為知名度高,可以打入上層社交圈子,藉此收集情報。可惜,响香港嘅憲兵隊好快就知道佢從事間諜活動,並將佢拘捕調查。好彩嘅係佢後尾釋,之後離開香港去咗上海生活。

至於點解日軍會放佢走,後嚟有人就話佢唔係核心間諜成員,所以放佢一馬。又有講法係話日軍想放佢出去,之後引更多更高層嘅間諜出嚟。至於事實係點?真係無從稽考。

原圖:網絡