提起宋朝喺香港呢片土地發生嘅事,除咗有大家都好熟悉嘅宋皇臺、新畀五大氏族遷移之外,仲有一段甚少人知道嘅亂世情緣。

要講呢段情緣就要由中原氏族向南遷移開始講起,最著名嘅五個分別就係錦田鄧氏、上水侯氏、粉嶺彭氏、新田文氏同埋上水廖氏,五大家族當中有部分都係做官,喺解官之後就帶同家人嚟到南方,既有從事務農,亦都有漁業同埋製鹽,佢哋遷移嚟到南方嘅時間大多都係喺北宋。

而去南宋嘅時期,五大氏族之一嘅鄧氏就已經落地生根,當時金兵就開始南下侵宋,唔少本身係朝中高官,甚至係皇室都紛紛向南走難。據講當時鄧族後人鄧元亮就喺戰亂之中救咗南逃嘅「皇姑」,佢個仔鄧惟汲後來仲同「皇姑」成婚,被追封為「稅院郡馬」,成為香港歷史上極少數嘅地方氏族郡馬。喺元朗廈村鄧氏宗祠入面,今日都仍然可以見到「稅院流芳」、「稅院郡馬」牌匾,真係講開有段故啊!

原圖嚟自網絡