近排因為疫情關係,唔少一年去幾次旅行嘅香港人都冇辦法去到第二啲地方玩,於是乎行山就成為唔少年輕男女、一家大細嘅假日好去處。提起行山,比輕出名嘅除咗有麥理浩徑之外,衛奕信徑亦都係唔少行山人士嘅心水之選。

衛奕信徑喺1996年啟用,之所以用呢個名命名係因為香港第27任嘅港督相當鍾意香港嘅山水同埋行山呢項活動,所以當年就用咗佢個名嚟命名。衛奕信徑由港島南邊嘅赤柱一直通往新界東北嘅南涌,一共分成十段全長有成78分里,係全港第二長嘅一條遠足徑。除咗長度之外,呢個公園亦都有一樣好巴閉嘅事,就係如果大家有咁好體力可以一次過行晒呢條徑,咁大家就可以完成一個創舉,就係一次過行晒8個郊野公園喇!

雖然衛奕信徑嘅景色係好誇張,但多年嚟都有人提出一個問題,就係衛奕信徑算唔算係一條完整嘅徑呢!有行過呢條徑嘅史友應該都會發現,其實呢條徑嘅第二段同埋第三段地理位置都係受到維港嘅阻礙,所以嚴格上其實呢條徑係唔連貫架!

原圖嚟自網絡