關於人類嘅起源，相信史友們唔多唔少都聽過「非洲起源」假說，呢個講法係由三位美國學者喺1987年針對147個身上嘅粒線體基因限制酶圖譜得出嘅結論，當中就主張所有現代人嘅祖先可以追溯到去非洲。而呢個講法，近日就被山西西侯度遺址嘅研究挑戰！

近排喺法國《人類學》雜誌（《 L'Anthropologie 》）嘅第11期，就刊登咗山西省考古研究院研究所王益人、南京師範大學教授沈冠軍同埋其他外國學者嘅研究。其實山西西侯度遺址早喺1960年就被發現，由於呢個遺址係河流相地層，所以考工人員好快就搵到三十幾件石器，但當時由於技術問題，仲未可以有效咁識別到呢啲石器嘅測年。經過多年研究，考古人員最終都係確認呢啲石器係人工打製而成；並且喺2009年到2016年間，考古研究所仲對呢個遺址做過5次測年樣品採集，結果就得出以下重要嘅結論。

學者們就以《西侯度遺址26Al/10Be等時線埋藏年代：中國北方最早人類聚居地的證據》為題，指出山西芮城縣西侯度遺址最新測年係結果係距今243萬年，呢個結果比「非洲起源論」嘅人類祖先喺185萬年前離開非洲嘅時間還仲要耐遠好多，亦都為人類「多地起源」論再度提供一個有力嘅證據。呢次嘅發現，唔單止對中國考古學界重要，仲對成個人類演化史有住深遠嘅意義。

原圖嚟自網絡