東漢天文學家張衡

尋日就同史友們介紹咗今年國史人物得票最高嘅「藥聖」李時珍，而喺呢次嘅選舉入面，同樣都有幾位以科教興國、經世濟民嘅古人，其中一位就係東漢天文學家張衡。

張衡，出生喺西元138年東漢時期嘅南陽大族，自幼就已經通曉五經，為人相當好學，官至太史令、侍中、尚書，但佢最大嘅成就並唔係喺官場，而係喺佢嘅發明。喺文學方面，佢創作咗《同聲歌》、《定情賦》、《二京賦》、《歸田賦》等辭賦名篇，開創咗七言古詩嘅詩歌體裁，但咁都未算，佢更加犀利嘅地方係喺科學領域上。

張衡一生有唔少嘅發明同埋理論，就好似總結出天上長明嘅星官一共有124個，自己亦繪製記錄2,500顆星體嘅星圖；同時佢又提出日蝕及月蝕嘅原因；張衡又主張「渾天說」，根據呢個理論又發明到「渾天儀」，還原成個日月星辰運行嘅原況，呢個理論甚至仲得到現代天文學界嘅認同；唔單止咁，佢仲發明能夠探測震源方向嘅地動儀同埋指南車，唔單止係當時，就算喺現代嚟講都好巴閉！「上知天文、下知地理」，大概就係用嚟形容呢位咁犀利嘅東漢天文學家吧！