消失的墳場——「七號墳場」

早排喺介紹觀塘區四順同埋佐敦谷公園果陣，阿史就接過其實順利邨、順天邨同埋佐敦谷堆填區嘅前身，理應就係呢個消失咗嘅墳場——「七號墳場」嘅所在之處，咁呢個地方點解之後又會冇咗個墳場呢？阿史今次就同大家講一講啦！

七號墳場，以前又叫做新九龍七號墳場，早喺1935年果陣就已經設立咗，佢當年嘅位置據報章所報導就係喺「九龍牛奶房」對上嘅一片山地、亦都好接近晏打臣道同埋大同大同罐頭公司工場，而且呢個墳場仲喺1941年曾經擴建過，令到佢成個範圍擴大去到順利邨、順天邨、順安邨同埋前佐敦谷堆填區。

咁好地地一個墳場後來又會冇咗呢？原來去到1955年，港府就曾經公告七號墳場限期，要求所有家屬遷葬骨骸，而七號墳場嘅位置就開始用嚟強制畀啲唔符合徒置資格嘅居民遷入，當中第一批嘅居民就有嚟自九龍洗衣街寮屋、何文田木屋區、大坑西平民屋。而喺七號墳場變成寮屋區初時，其實供水設施短缺、衛生惡劣、而且仲係墳場嘅位置仲係白骨森森，多數居民都真係逆來順受。