公共屋邨就同史友們介紹過唔少，但如果問到全港第一個居屋嘅屋苑，史友們又到底知唔知會係邊一個呢？今次阿史就同大家介紹一下呢個位於觀塘區嘅屋苑啦！
喺地理位置上嚟講，順緻苑就係位於九龍觀塘四順順緻街，緊貼住成個九龍最高嘅山飛鵝山。作為第一個居屋屋苑，房屋署亦都相當重視呢個項目，當年就由房屋署總建築師Mr.Wakefield設計，總共6座提供1,539個單位，喺1979年到1980年就分階段落成同埋入伙。
雖然話就話係居屋屋苑，但同其他嘅居屋唔同，順緻苑所在單位都唔需要補地價就可以喺市場自由轉讓。如果有史友住喺順緻苑，應該仲會發現到另一個特點，就係順緻苑頂層嘅單位都係複式單位，呢個特點亦都係全港居屋得佢有，真係巴閉！
原圖嚟自網絡