楊慕琦淪為俘虜 被送到奉天俘虜收容所？

尋日就同史友們講到港督楊慕琦向日軍投降，香港亦都隨即開始3年零8個月日佔時期，咁就有個問題，到底日軍係點樣處置投咗降嘅俘虜？阿史今次就同大家講一講啦！

楊慕琦係繼美國獨立戰爭英國將領康沃利斯勳爵之後，第一位戰敗投降並且失去地方管治權嘅英國官員，喺佢投降之後就淪為日軍戰俘，當時大部分政府嘅官員都被送到赤柱拘留營。楊慕琦初時其實都算係受到日軍禮待，只係被軟禁喺半島酒店內。

但後來因為戰事變化，楊慕琦同部分英國俘虜就先被送到台灣拘留，一去到當地成個待遇就唔同晒。佢被當地日軍折磨，仲被關入竹籠；去到二戰後期，楊慕琦就再次被送到另一個俘虜收容所，就係滿州國嘅奉天俘虜收容所。當時已經有唔少人認為佢已經遭遇不測，直到蘇聯軍隊後來進佔中國東北，先喺當地搵得返佢。