呢排都同史友們講開水塘，咁香港嘅水塘一般嚟講都係用嚟儲水畀市民日常生活飲用同埋灌溉周邊嘅土地，之但係史友們又有冇諗過，香港竟然有個水塘係用嚟專門儲存海水去畀市民當廁所水用？

今次阿史想介紹嘅就係已經填平咗嘅佐敦谷水塘，呢個水塘估計係喺1958年倡議興建，並且喺1960年建成，總儲水量約為236400立方米。其實關於呢個水塘嘅歷史資料並唔多，只係喺政府檔案處水務署案卷《佐敦谷海水抽水站》可以搵到一啲記載。據講當時觀塘同埋九龍灣就即將面對填海，之但係海水抽水站就會受到填海影響，區內就會有供水嘅問題。於是，當時水務署就諗到喺區內建設兩個供應鹹水配水庫作為過渡，其中一個就係佐敦谷水塘。

據水務署嘅資料顯示，佐敦谷水塘係通過山下嘅海水抽水站抽出海水輸至山上，跟住先再為牛頭角社區及觀塘社區提供廁所沖廁用水，而呢個水塘去到80年代初就被填平。

原圖嚟自網絡