响香港保衛戰期間，當時嘅國民政府似乎無閒解救守軍（亦可以話自身難保）。不過，當時有就有位國民政府嘅軍官，就成為突破日軍包圍，帶領一批英國官兵逃離香港，呢位軍官就係有「獨腳將軍」之稱嘅陳策。

陳策係民國時期嘅海軍名將，抗日戰爭爆發之後佢負責廣東沿海防衛。1939年佢去咗香港養傷，出任國民政府駐港全權聯絡代表，响香港統籌抗日工作，係當時國民政府駐港最高代表。响香港保衛戰中後期，英軍同港英政府就向陳策提出，帶領一批英軍將領同情報人員突破重圍，當中包括皇家空軍情報主任敖福德、情報處處長麥道高、警司羅便臣等人。最終陳策答應咗，就乘坐英軍嘅魚雷艇，成功突破日軍响海上嘅包圍網，去到南澳帶上岸，呢批英國官兵之後獲安排經中國西南返咗去歐洲或參與抗日戰爭。

原圖嚟自網絡