今日網上傳得最勁嘅消息之一，就係深水埗石峽尾附近主教山發現咗百年歷史嘅配水庫，唔少市民都喺工地圍封之前行入去打卡，當中好多輯相集都影得好唯美。

打卡之餘，都要同大家介紹下呢個百年建築係咩來頭！據水務署資料指，呢個配水庫係一個食水減壓缸，一直係屬水務署管轄。如果有史友有幸入到內部參觀，應該都會留意到部份喉管顯示「1909」同埋「1932」年份。喺當年工務署一份REPORT OF THE DIRECTOR OF PUBLIC WORKS (FOR THE YEAR 1904) 嘅報告入面，就有記載到呢個食水減壓缸嘅資料，咁亦都印證到呢個食水減壓缸至少喺1904年就已經建成，真係足足有百幾年歷史。

蓄水池巨大地下空間由過百條麻石柱支撐，頂部以紅磚砌成拱門，再支撐最高嘅拱形水泥池頂，最後以泥土覆蓋。呢種建築方式甚為罕見。不過早年已被停用，現時結構出現裂縫，存有安全隱憂。 早前水務署已計劃清拆配水庫，不過今次發現配水庫之後，有立法會議員就話水務署已承諾暫時停工。如果呢個建築可以保留到落嚟，絕對係好事！

原圖：網絡