喺唔少教科書入面，只要一介紹到香港嘅土地，都係會用「山多平地少」、「地勢崎嶇」嚟形容，咁喺呢種情況之下香港嘅樓宇又係點樣起成呢？葵康苑就係一個好特別嘅例子喇！

呢個由房委會發展嘅居屋苑位處新界葵涌葵盛圍同埋大窩口道交匯處，早喺1993年落成，一共就有兩座37層高嘅住宅，每層就有1到10個單位不等，合共就提供到701個單位。睇到呢度可能大家都未覺得有咩特別，但如果史友們有去過呢個屋苑，應該都會發現屋苑係興建喺一個地盤細小而且崎嶇嘅山坡之上。

要知道，其實早年嘅居屋單位都係會採用標準設計，但由於地形同埋地勢問題，呢度就唔可以用返原來嘅設計，而係要用特別嘅設計計算坡度，重新分配內部嘅間隔，先至可以遷就到個地形，真係幾有香港特色！

原圖嚟自網絡