香港最後一個人力車伕退休

人力車喺香港有幾耐歷史？答案就係喺1874年由一個商人喺日本引入，去到1883年仲有埋法例規管成個人力車出租服務，但隨住公共交通工具嘅普及再加上安全問題，港府喺1968年就再冇發出人力車嘅牌照。直到呢個消息一傳出，人力車好大機會會喺香港嘅馬路上消失。

被稱為「香港最後一位人力車伕」七十歲嘅洪伯，日前就接受傳媒訪問，佢訪問中就提到自己因為身體轉差同埋疫情嘅影響，基本上再冇遊客嚟香港，自己亦都接近成年冇再拉過車，於是自己亦都打算喺2020年退休。

人力車喺香港已經有過百年歷史，以前嘅人力車就真係一種交通工具可以周圍去，但後來就受到牌照附帶條件規管，只係可以喺指定時間同埋路線行駛。洪伯自己都拉車超過五十年，對於人力車文化未能夠傳承，洪伯就覺得好可惜，始終都係敵唔過時代嘅巨輪。