又名「藥材街」嘅高陞街

提起香港富商李陞先生，相信唔少史友都會諗起景賢里、高陞戲院，但其實香港仲有幾條街道都同佢有關，其中一條就係名為「藥材街」嘅高陞街。

呢條位於上環同埋西營盤嘅弧形街道，係喺1890年代由香港富商李陞投資起屋嘅時候開闢而成，唔知史友們又記唔記得，其實高陞戲院正正就係喺呢街嘅後方，亦都係呢個原因「高陞街」先至得名。

咁到底呢條街點解會叫做「藥材街」呢？要知道香港開埠早期唔少嘅經濟活動都係集中喺上環中環一帶，而喺上環一帶以往都有唔少南北行，當上環南北行地段嘅藥材商都飽和嘅時候，佢哋當時都一致將鋪頭搬到去高陞街發展，自此之後高陞街就有唔少藥材鋪頭，成為當中一個藥材出口嘅集散地，所以又被稱為「藥材街」。時至今日，呢條街都仲有唔少售賣中藥嘅店舖。