「楚雖三戶，亡秦必楚」有冇實現到？

喺讀到戰國到秦嘅呢段歷史入面，有意思嘅部分有好多，但阿史就最記得《史記·項羽本紀》入面就有一句楚國南公講嘅預言「楚雖三戶，亡秦必楚」，咁到底呢句說話有冇實現到呢？

《史記》入面係咁寫嘅，「夫秦滅六國，楚最無罪。自懷王入秦不反，楚人憐之至今，故楚南公曰『楚雖三戶，亡秦必楚也』」，大概意思就係就算楚國只係得返三戶，消滅泰國嘅都一定係楚國。楚南公講出呢句說話嘅時候，當然係唔到未來，但估唔到呢件事又真係成真！

「楚雖三戶」入面嘅「三戶」並唔係解做楚國三戶人，而係解做楚王三戶，亦即係公族。喺反秦嘅勢在嚟講，率先進行呢件事嘅係陳勝，佢係楚國人亦都成功建立過張楚政權，佢當時係一心想滅秦但最後都係寡不敵眾兵敗；而喺陳勝吳廣起義失敗之後，楚國大將軍項燕之後項梁，就立咗楚懷王之後為王，對秦繼續展開作戰，但點知最後戰死，由項羽繼承伐秦。