喺二次世界大戰期間,日軍侵略唔少東南亞地區就好似中國、朝鮮、菲律賓同埋馬來亞等等,喺呢啲地方唔少嘅民間婦女都被強迫、詐騙、擄掠為日軍提供性服務。喺戰後,中國、韓國同埋唔少東南亞國家都紛紛向新日本政府展開漫長司法訴訟以及要求日本政府道歉。

多名韓籍慰安婦受害者喺2013年8月向南韓法院提出民事調解申請,要求日本政府支付精神賠償金。喺近日南韓首爾中央地方法院就住呢件事就有咗新嘅裁決。南韓首爾中央地方法院就南韓籍慰安婦向日本政府提出索償案件一審宣判,裁定日本政府需要向慰安婦受害者每人賠償1億韓元,日本外務省對裁決表達強烈不滿。

而其實喺2015年12月,日本就曾經挹注10億日圓向南韓政府設立支援前慰安婦基金,仲希望可以了結慰安婦問題,之但係當時南韓慰安婦喺光州「分享之家」就回應,受害人係要日本政府「依法賠償」,而唔係向所謂「從軍賺錢者」略施小惠,當中佢哋更加表明,唔係因為冇錢先至要抗爭,而係因為日本犯咗罪所以先要正式賠償,而日方當時並冇作出回應。

原圖嚟自網絡