又係時候同史友們介紹一啲近代中國重要嘅人物,提到第一批嘅留美幼童,其實最早期具模嘅就係晚清1872年到1875年派出嘅四批合共120個幼童,但其實促成幼童赴美學習呢件事嘅,全賴呢位首名就讀耶魯學院嘅中國人,佢就係容閎。

容閎出生喺1828年嘅廣東省廣州府,後世都稱佢為中國留學生先驅。佢喺1835年經爸爸嘅朋友介紹,認為到原屬荷蘭傳道會宣教士郭士立嘅夫人,並且以七歲之齡去到澳門入讀馬禮遜紀念學校。去到1839年中英關係交惡,學校亦都解散,容閎父親逝世冇幾耐亦都過咗身。

去到1841年,馬禮遜紀念學校重新成立,轉輾之下容閎就去到香港繼續學業;1847年,容閎就跟隨埋勃朗牧師返回美國,先就讀孟松預備學校,畢業之後就考埋入去耶魯學院,就係咁成為第一位入讀呢個學院嘅中國人,並且獲得文學士學位。

去到1854年之後,容閎就返到嚟中國,佢唔單止得到曾國藩、李鴻章支持成立「幼童出洋肄業局」,促成學童留美;佢仲向曾國藩進言造「製器之器」,先後參與過戊戌維新、君主立憲運動、興中會革命等等,對中國人政治思想帶嚟咗唔少關鍵嘅影響。

原圖嚟自網絡