尋日阿史就介紹到首名就讀耶魯學院嘅中國人容閎,而喺佢同丁日昌、曾國藩、李鴻章嘅努力之下,成立咗「幼童出洋肄業局」,促成清政府先後派出四批共120名幼童赴美國留學,當年幼童出洋平均年齡只有12歲,到底呢批學童當中有咩威水人物喺入面呢?

當年1872年第一批出洋咗學童分別被分配到54戶美國家庭生活,並且好快克服言語障礙其中22名入讀耶魯大學、8名進入麻省理工學院,6名進入倫斯勒理工學院等等,呢批亦都只係第一批留美學童,成績相當誇張。但點知時間去到1881年,留美學童呢個計劃就發生變化,駐美公使陳蘭彬不斷地要求撤回學生,原因係學生習染西洋風氣,甚至歸信基督教和剪辮,結果令到朝廷准奏召回幼童。

去過留美嘅學童當年嚟講已經相當優秀,返到中國之後亦都對現代化作出好大嘅貢獻,當中呢班學童就有外交官唐紹儀、劉玉麟、香港行政局首任華人官守議員周壽臣、中國鐵路之父詹天佑、駐美國公使梁誠、清華大學首任校長唐國安等等,真係人才濟濟!

原圖嚟自網絡