喺1987年1月14日,中國政府同英國達成拆除城寨協議,並決定喺原址改建公園。關於九龍城寨嘅歷史同故事,阿史就同大家講過唔少,今次反而想同大家介紹下一個同九龍城寨有密切關係嘅人,呢個就係被稱為「香港德蘭修女」嘅潘靈卓。

可能有部份史友都會知道,潘靈卓創辦咗一個名為「聖士提芬會」嘅慈善機構,專門為藥物成癮康復者、妓女等提供福音戒毒服務,但原來佢原本係喺倫敦皇家音樂學院專修雙簧管,咁佢又係點樣同九龍城寨扯上關係呢?

原來喺潘靈卓22歲果年,佢就決心要成為一個傳教士,於是向唔少機構打探,轉輾之下佢就搵到肖迪奇嘅牧師理察·湯普森。本身佢一心係想去非州傳教,但就因為一個夢而萌生嚟到香港嘅念頭。佢喺1966年隻身嚟到香港,當時全身得10蚊嘅佢就喺九龍城寨搵到一份小學教師工作,慢慢亦都喺呢度成立一所青年會所,幫助當時「三不管」、「全球規模最大鴉片類毒品製作中心」九龍城寨內數以千計藥物成癮者同埋流浪漢,呢個舉動就令佢被稱為「香港德蘭修女」。

原圖嚟自網絡