坪洲以前有個全東南亞最大火柴廠

早兩日阿史就同大家介紹到坪州唯一一個公共屋邨金坪邨，坪洲仲有唔少嘅威水史，史友們又知唔知其實昔日呢個小島滿佈唔同嘅工業，其中就有一間全東南亞最大火柴廠，名為「大中國火柴廠」。

呢間火柴廠係上海嘅火柴大王劉鴻生所建，佢係民國實業巨頭，由於30年代中國面對內憂外患，當時劉鴻生就決定將部分投資轉移，本身係打算喺長洲建立火柴廠，但喺對方拒絕之下就只好嚟到坪洲。早年其實坪洲係以灰窯為主，但撞正呢個行業式微，劉鴻生就順勢買埋北灣嘅地皮，加上有唔少失業嘅工人，就興建火柴廠，仲喺附近設立唔少界碑，喺1939年正式運作。

大中國火柴廠唔止係香港最大火柴廠，仲係成個東南亞最大，火柴係出口到東南亞各地，單係四十年代就已經有接迎一千就業人數，全盛時期仲去到三千。只係隨住打火機出現，火柴工業就被淘汰，火柴廠就後就喺七十年代關閉，成為歷史。