還記得海洋公園集古村嗎？

話說上星期去咗南區鴨脷洲，見到對面岸大樹灣個頭海洋公園擴建工程都搞得七七八八，阿史諗海記嘅水上樂園應該好快又再出現，以後可能會去大樹灣入口個邊多啲。

陪伴咗香港四十幾年嘅香港海洋公園，咁多年來都不斷增加新元素，藉此提升吸引力。好似响1991年，一個叫集古村嘅遊玩設施就响海洋公園大樹灣入口個頭出現。呢個景點係一個仿中國古代建築特色嘅景點，風格同荔景嘅宋城相似，不過啲建築就更誇張，好似有假故宮，假布達拉宮等。入場人士去到都係睇下傳統工藝，雜技表演等等，簡單而言就係滿足遊客（主要針對外國遊客）對中華文化嘅好奇心。

不過，呢個集古村效益唔高，加上入去要另外買票（後期先俾海記門票入去玩），結果開咗十年就關門大吉，最終亦難逃被拆命運。